C. AS. 461/19221 #1

C. AS, 19221

Dergâh-ı felek-medâra arz-ı bende-i bî-mikdâr budur ki hâliyâ Antalya Kal‘ası dizdârı olan Cafer nâm müfsid kendi hâlinde olmayıp vali-i eşkıyâya mu‘în ve şerî‘at-ı mutahharaya adem-i inkıyâdı olup mezbûrun şerr [u] şürûrundan bir vechile icrâ-yı hak olunmayıp ibâdullahın hakı bi'l-külliye ibtâl olduğu sem‘-i hümâyûna ilkā ve ocak emekdârlarından bir müstahıkka arz olunmak bâbında fermân-ı âlî sâdır olmağın hâliyâ Dergâh-ı âlî yeniçerileri ocağında emekdâr mahal ve müstahık altmış dokuz cemâ‘atin çorbacılığından merfû‘ Veli Ağa kulları her vechile mahal [ve] müstahık olmağın mezbûr Cafer'in ref‘inden kal‘a-i mezbûr dizdârlığı sadaka ve inâyet buyurulmak bâbında emr [u] fermân sa‘âdetlü devletlü efendim sultânım hazretlerinindir.
Tahrîren fî evâili şehri Cemâziyelevvel sene selâse [ve] mi’e ve elf.

Bende-i
Mustafa ağa-i yeniçeriyân hâliyâ

Vech-i meşrûh üzere mukayyeddir

Nâhiye-i Elmalu der-livâ-i Teke
Timar-ı Hacı Cafer dizdâr-ı kal‘a-i Antalya an-tahvîl-i Hacı Mehmed hilâf-ı inhâ dehl kerde
Karye-i Memlüke tâbi‘-i mezbûr
8300 akçe
Fî sene [1]101

Mûcebince ber-vech-i te’bîd tevcîh olunmak buyuruldu.
3 Ca. sene [1]103.

Fî 4 Ca. sene [1]104.