AE. SMST. II. 137/15151 #1

A. E. II. MUSTAFA, 15151

Dergâh-ı felek-medâra arz-ı bende-i bî-mikdâr budur ki hâlâ Antalya Kal‘ası dizdârı olan Cafer kulları fevt olup dizdârlığı mahlûl olmağla Dergâh-ı âlî yeniçerilerinden yevmî on akçe ulûfe ile otuz dört cemâ‘atde mütekā‘id olan Bekir İbrahim kulları her vechile mahal ve müstahık olup arz olunmak bâbında fermân-ı âlî sâdır olmağın zikr olunan dizdârlık müteveffâ-yı mezbûrun mahlûlünden merkūm Bekir İbrahim kullarına mutasarrıf olduğu yevmî on akçe ulûfesi hazîne-mânde olup mukābilesinde dizdârlık-ı mezbûr merkūm kullarına tevcîh ve inâyet buyurulmak bâbında emr [u] fermân devletlü sa‘âdetlü ve inâyetlü efendim sultânım hazretlerinindir.
Tahrîren fî evâhiri şehri Zilka‘deti'ş-şerîfe li-sene erba‘a aşer [ve] mi’ete ve elf.

Bende-i
… ağa-ı yeniçeriyân hâlâ

Esâmisi derkenâr ola

Vech-i meşrûh üzere mukayyeddir.

Nâhiye-i Elmalu der-livâ-i Teke
Timar-ı Hacı Cafer dizdâr-ı kal‘a-i Antalya an-tahvîl-i hod.
Karye-i Memlüke tâbi‘-i mezbûr ve gayruhû
8300 akçe
Fî sene [1]106

Cemâ‘at-i yeniçeriyân-ı Dergâh-ı âlî
C. 34
Mütekā‘id
Yevmiyye 10 akçe

Mezbûr vech-i meşrûh üzere on akçe ile tekā‘üd olduğu hâlâ defterde mastûr ve mukayyeddir. Fermân devletlü sa‘âdetlü sultânım hazretlerinindir.

Derkenâr şüd.
Fî 22 Za. sene 1114.

Mûcebince tevcîh olunmak buyuruldu.
22 Za. sene [1]114.