Antalya Kalesi muhafızlığının Ahmed veledi-i Yunus'a tevcihine dair ferman-i ali ve merkumun kasriyedinden müstahfızlık-ı mezkurun Hacı Mehmed'e tevcihine dair kale-i mezkure dizdarı Yunus'un arzı üzerine buyruldu.
A. E. III. AHMED, 2278
Dergâh-ı felek-medâr ve bârgah-ı gerdûn-iktidâr türâbına arz-ı bende-i bî-mikdâr budur ki hâlâ Teke Sancağı'nda İstanos Nâhiyesi'nde Denizpınarı nâm karye ve gayrıdan bin dört yüz akçe gedik timar ile Antalya Kal‘ası müstahfızlarından Ahmed veled-i Yunus kendi hüsn ve rızâsıyla gedik timarını işbu bâ‘is-i arz-ı ubûdiyyet Hacı Mehmed veled-i Ali nâm kullarına kasr-ı yed edip ve yedinde olan berâtın verip ol ecilden gediği hâlî ve timarı mu‘attal kalmağla merkūm Hacı Mehmed veled-i Ali kulları her vechile hidmet-i lâzımesinin uhdesinden gelmeğe kudretli olmağın müceddeden yedine berât-ı âlîşân sadaka ve ihsân buyurulmak ricâsına pâye-i serîr-i a‘lâya arz u i‘lâm olundu. Bâkī fermân men lehü'l-emrindir.
Bende-i
Yunus dizdâr-ı kal‘a-i Antalya hâlâ
Sahîhdir
Tatbîk
Vech-i meşrûh üzere
Nâhiye-i İstanos der-livâ-i Teke
Timar-ı Ahmed veled-i Yunus an-merdân-ı kal‘a-i Antalya an-tahvîl-i Hacı Mehmed el-müteveffâ
Karye-i Denizpınarı tâbi‘-i mezbûre
1400 akçe
Fî sene [1]139.
Fî 25 B. sene 1140
Mûcebince kasr-ı yedinden tevcîh olunmak buyuruldu.
26 B. sene 1140.
Selamlar Ahmet Bey,
İnanılmaz bir arşiv ve bilgi hazinesi hazırlamışsınız. Pusulasız kaybolmamak adeta imkansız. Bunun için tarihi seven biri olarak öncelikle teşekkür ederim.
Halaçoğlu bu meseleyi iyi araştırmamış. Nizam-ı Cedid hareketine karşı bilhassa Rumeli ve Konya'daki muhalefetten ve Kadı Abdurrahman'ın zalimliğinden haberi yok mu? Yeniçerilerin yerine getirilmek istenen Nizam-ı Cedid askerinin...