Antalya Kalesi muhafızlığının Ahmed veledi-i Yunus'a tevcihine dair ferman-i ali ve merkumun kasriyedinden müstahfızlık-ı mezkurun Hacı Mehmed'e tevcihine dair kale-i mezkure dizdarı Yunus'un arzı üzerine buyruldu.
A. E. III. AHMED, 2278
Hüve'l-mu‘în
[TUĞRA]
[III. AHMED]
Sebeb-i tahrîr-i tevkī‘-i refî‘-i hümâyûn oldur ki
Kıdvetü't-sikāt ve'l-müstahfızîn Antalya Kal‘ası Dizdârı Yunus zîde hıfzuhû südde-i sa‘âdetime mektûb gönderip Teke Sancağı'nda İstanos Nâhiyesi'nde Denizpınarı nâm karye ve gayrıdan bin dört yüz akçe gedik timar ile Antalya Kal‘ası müstahfızlarından Hacı Mehmed fevt olup gedik timar ile kal‘a-i mezbûre mustahfızlığı mahlûl olmağla dârende-i tevkī‘-i refî‘-i hümâyûn Ahmed veled-i Yunus'a verilmek bâbında inâyet ricâsına arz etmeğin derûn-ı kal‘ada sâkin olup hidmet-i lâzımesin edâ etmek şartıyla tevcîh olunmak için sene semân ve selâsîn ve mi’e ve elf Zilhiccesi'nin on dokuzuncu günü târihiyle hükm-i şerîfim verildikden sonra tezkiresi ihrâc olunmak fermânım olmağın zikr olunan bin dört yüz akçe gedik timar ile kal‘a-i merkūme müstahfızlığı vech-i meşrûh üzere merkūm Ahmed veled-i Yunus'a tevcîh olunup verdim ki zikr olunur
Karye-i Denizpınarı tâbi‘-i m. Hâsıl 3243 |
Çiftlik-i Çavuş ve Ordu der-karye-i Çukurca tâbi‘-i İstanos 1000 |
Yekûn
4243
1400
ve buyurdum ki ba‘de'l-yevm taht-ı yedinde olup tasarruf kılıp şol ki vezâ’if-i hidemât-ı kal‘a-i merkūme müstahfızlığıdır bî-kusûr mer‘î ve mü’eddî kıla ol bâbda efrâd-ı âferîdeden hiç ferd mâni‘ ve dâfi‘ olmayıp dahl ü ta‘arruz kılmaya şöyle bileler alâmet-i şerîfe i‘timâd kılalar.
Tahrîren fi'l-yevmi's-sâbi aşer min şehri Muharrem li-sene tis‘a ve selâsîn ve mi’ete ve elf.
Kostantıniyyetü'l-Mahrûse
Selamlar Ahmet Bey,
İnanılmaz bir arşiv ve bilgi hazinesi hazırlamışsınız. Pusulasız kaybolmamak adeta imkansız. Bunun için tarihi seven biri olarak öncelikle teşekkür ederim.
Halaçoğlu bu meseleyi iyi araştırmamış. Nizam-ı Cedid hareketine karşı bilhassa Rumeli ve Konya'daki muhalefetten ve Kadı Abdurrahman'ın zalimliğinden haberi yok mu? Yeniçerilerin yerine getirilmek istenen Nizam-ı Cedid askerinin...