Antalya kazasında vaki Çeltik-i Enhar ve Tevabii Mukataası 8300 akçe gedik timar ile Antalya Kalesi Dizdarı Mehmed'in uhdesinde olduğundan kardeşi Ahmed'i tevkil ettiği.
Evrak Zarfı
C. TZ. 18/860 #1
Evrakı büyütmek ve bilgisayarınıza yüklemek için lutfen resmin üzerine tıklayınız:
CEVDET TIMAR, 860
Der-i devlet-i mekîne arz-ı dâ‘î-i kemîne budur ki
Hâlâ Cidde Valisi vezîr-i mükerrem el-Hâc Ebubekir Paşa yessera'llâhu mâ yeşâ’ hazretlerinin oğlu Mehmed zîde mecduhûnun mâlikânesi dâhilinde Antalya Kazâsı'nda vâki‘ çeltik enhâr ve tevâbi‘i mukāta‘ası Teke Sancağı'nda Elmalu Nâhiyesi'nde Gilevgi nâm karye ve gayrıdan sekiz bin üç yüz akçe gedik timar ile Antalya Kal‘ası dizdârı olan kıdvetü's-sikāt ve'l-müstahfızîn Mehmed veled-i Yunus zîde hıfzuhûnun uhdesinde olmağla tahsîl-i mâl-ı mîrî için sâhil ve yaylağa dizdâr-ı merkūm bi'n-nefs varmadıkca mâl-ı mîrînin tahsîli hadd-i imkânda olmayıp ve mukāta‘a-i mezbûrenin nizâmı muhtel ve mâl-ı mîrî mu‘attal olacağı mukarrer olmağla mûmâ-ileyh Mehmed veled-i Yunus zîde hıfzuhû yerine bir mu‘temed kimesneyi vekîl nasb ve kendisi havâss-ı merkūmeye varıp itmâm-ı maslahat olunması havâss-ı mezbûre ahâlîleri meclis-i şer‘îde ihbâr etmeleriyle mûmâ-ileyh kal‘a-i mezkûreye karındaşı Ahmed'i vekîl nasb ve ta‘yîn ve itmâm-ı maslahat edip gelinceye değin gedik timar ile kal‘a-i mezbûre dizdârlığına zarar gelmemek üzere kaydına şerh verilmek bâbında inâyet ricâsına bi'l-iltimâs pâye-i serîr-i a‘lâya i‘lâm olundu. Ol bâbda emr u fermân men lehü'l-emrindir.
Fi'l-yevmi evâsıtı Cemâziyelûlâ li-seneti tis‘a ve hamsîn ve mi’ete ve elf.
El-Abdü'd-dâ‘î li'd-Devleti'l-Aliyyeti'l-Osmaniyye
Es-Seyyid el-Hâc Abdürrahim el-kādî bi-medineti Antalya
Ufiye anhû
Tatbîk
Mutâbıkdır
(mühür)
Vech-i meşrûh üzere mukayyeddir.
Antalya Kazâsı'nda çeltik enhâr mukāta‘ası uhdesinde olmağla kal‘a-i mezbûreye karındaşı Ahmed'i yerine vekîl nasb ve ta‘yîn ve itmâm-ı maslahat edip gelinceye değin gedik timar ile dizdârlığına zarar gelmemek üzere bâ-emr-i âlî kaydına şerh verilmişdir.
Fî 8 B. sene [1]158
Nâhiye-i Elmalu der-livâ-i Teke
Timar-ı Mehmed veled-i Yunus dizdâr-ı kal‘a-i Antalya an-tahvîl-i müderris el-müteveffâ
Karye-i Gilevgi tâbi‘-i m.
8300
Fî sene [1]156
Derkenâr şüd
Fî 12 B. sene [1]159
Târih-i fermân-ı âlîden üç aya dek mesâlihini görüp hidmet-i lâzımesine kıyâm etmek şartıyla… ve hıfz ve hirâset-i kal‘aya kādir yerine vekîl nasbı ile kaydına şerh verilmek için hüküm buyuruldu.
15 Receb sene [1]159.
Selamlar Ahmet Bey,
İnanılmaz bir arşiv ve bilgi hazinesi hazırlamışsınız. Pusulasız kaybolmamak adeta imkansız. Bunun için tarihi seven biri olarak öncelikle teşekkür ederim.
Halaçoğlu bu meseleyi iyi araştırmamış. Nizam-ı Cedid hareketine karşı bilhassa Rumeli ve Konya'daki muhalefetten ve Kadı Abdurrahman'ın zalimliğinden haberi yok mu? Yeniçerilerin yerine getirilmek istenen Nizam-ı Cedid askerinin...