AE. SMST. III. 25/1737 #1

A. E. III. MUSTAFA, 1737

Dergâh-ı felek-medâr ve bârgâh-ı gerdûn-iktidâr türâbına arz-ı bende-i bî-mikdâr budur ki
Teke Sancağı'nda İstanos Nâhiyesi'nde Hisarardı nâm karye ve gayrıdan bin üç yüz kırk üç akçe timar ile Antalya Kal‘ası müstahfızlarından İbrahim veled-i Osman bi-emri'llâhi te‘âlâ fevt olup ol vechile gediği hâlî ve hidmet-i lâzımesi mu‘attal kalmağla bâ‘is-i arz-ı ubûdiyyet sulbî kebîri Halil veled-i İbrahim her vechile lâyık ve mahal ve müstahık ve hidmet-i lâzımesinin uhdesinden gelmeye kādir kulları olmağın müceddeden yedine berât-ı şerîf-i âlîşân sadaka ve ihsân buyurulmak ricâsına pâye-i serîr-i a‘lâya arz u i‘lâm olundu ol bâbda emr [u] fermân kemâ fî'l-lütf ve'l-ihsân hazret-i men lehü'l-emrindir.

Bende-i
Mehmed Yunus dizdâr-ı kal‘a-i Antalya hâlâ

Sahîhdir
Tatbîk

Deftderhânesi görüle

Nâhiye-i İstanos der-livâ-i Teke
Timar-ı İbrahim veled-i el-Hâc Osman an-merdân-ı kal‘a-i Antalya an-tahvîl-i Ali veled-i Hacı Mehmed bâ-hüsn-i rızâ kasr-ı yed kerde

Karye-i Denizpınarı tâbi‘-i mezbûr

Çiftlik-i Çavuşardı der-karye-i Çukurca tâbi‘-i mezbûr
Yekûn
1400 akçe
Fî sene [1]171

Tahvîl kaydı görüle
Sahîhdir
Gedik timar-ı mezbûr derkerârda mastûr İbrahim veled-i el-Hâc Osman'ın berâtıyla üzerinde olup âhere tahvîl verildiği kaydı bulunmamışdır. Fermân devletlü sa‘âdetlü sultanımındır.

Derkenâr şüd
Fî 7 Ş. sene [1]185

Mûcebince tevcîh olunmak buyuruldu.
7 N. sene [11]85