Maktul Tekelioğlu İbrahim'in Selanik ve İstanbul'da ikamet ettirilecek akraba ve taallukatından
CEVDET DAHİLİYE, 17372
Cenâb-ı vâcibü'l-vücûd
Şevketlü kudretlü mehâbetlü kerâmetlü azametlü pâdişâh-ı âlem-penâh efendimiz hazretlerinin mübârek vücûd-ı hümâyûnların cemî‘-i hatâ ve hatarlardan me’mûn ve masûn edip serîr-i saltanat-ı cihân-dârîlerinde ebed-makrûn ve sâye-i zıll-i merhamet-i mülûkânelerin kâffe-i enâm üzere sâyebân ve a‘dâ-yı bed-hahların hemîşe makhur ve münhezim ve cümlesi üzerlerine mansûr ve muzaffer buyursun âmîn bi-hürmeti seyyidi'l-enbiyâ ve'l-mürselîn arzuhâl-i kulları kātilen vefât eden Tekelioğlu İbrahim'in biraderi olup katl ve i‘dâmıyla cezâsını buldukda altmış nefer ta‘alluk ve ta‘allukātının mahrûse-i Selanik'de ikāmelerine irâde-i seniyye-i mülûkâneleri sünûhuna imtisâlen mahrûse-i mezkûrda varıp ikāme otuz nefer zükûr ve inâs fukarâlarına rahmen beherlerimize yevmiyye altmışar para maâş olarak evlâd-ı fâtihân mukāta‘ası mâlından Selanik Duhân Gümrüğü emini olanlardan almak üzere ta‘yîn ve ihsân-ı hümâyûn buyurulmuş ise de bu kulları müteveffâ-yı merkūmun biraderi ve otuz nefere dâhil kulları iken hakk-ı âcizânelerimizde bahr-i eltâf ve merhamet-i mülûkâneleri temevvücüylü bu kulları ve beş nefer müte‘allikātım kulları ve câriyelerinin Deraliyye'de ikāmelerimize ruhsat-ı şâhâne mebzûl ve mesrûren Deraliyye'ye vürûdumuz mukarrer ve du‘â-yı devâm-ı ömr u devlet-i şâhâneleri tekrârına muvâzabet üzere olalı bu kadar müddetden beri bir yerden medâr ve maâşlarımız olmayıp sâlifü'z-zikr beher esâmilerimize ta‘yîn buyurulan yevmiyye altmışar para sadaka-i seniyye-i mülûkânelerin kendi devr-i eyyâm-ı ma‘delet-i hüsrevânelerinde zarûretden vikāye oluruz ümidiyle terâküm eden yevmiyyelerimizin tahsîli için bir kıt‘a emr-i âlî dahi sudûr ve tesyîr olunmuş ise de envâ‘-ı kevniyye bahâne ve a‘zâr-ı vâhiyye ile imrâr-ı vakt ve ile'l-ân bir akçesine destres olamayıp mağdûr ve perîşân ve düyûn-ı kesîreye giriftâr olarak ahvâllerimiz diğergûn ve şâyeste-i zıll-ı merhamet-i hümâyûnları olduklarımız ma‘lûm-ı mülûkâneleri buyurulmak için arzuhâle cesâret kılınmışdır. Merâhim-i mülûkânelerinden mercû ve mutazarrı‘dır ki bu kullarının ve sagīr kardaşlarım İsmail ve Bekir ve Abdülfettah ve zevcem Hadice'nin yevmiyye-i mezkûrlarımız Âsitâne Duhân Gümrüğü'ne havâle olarak Selanik gümrükcüsünden taleb ve nakz şartıyla beher mâh Deraliyye'de gümrük-i mezkûrdan yevmiyye-i âcizânelerimizin i‘tâsına irâde-i kātı‘a-i mülûkâneleri ta‘alluk ve cümlelerimizi ihyâ ve mesrûr ve ilâ âhiri'l-ömr du‘â-yı devâm-ı ömr u devletleri tekrârına kıyâm buyurulmak bâbında emr u fermân-ı hümâyûn-ı inâyet-makrûn şevketlü kudretlü mehâbetlü kerâmetlü azametlü pâdişâh-ı âlem-penâh efendimiz hazretlerinindir.
Bende-i
Mir Yusuf Tekelioğlu kulları
İzzetlü defterdâr efendi
İşbu arzuhâle nazar ve kuyûd-ı lâzımesine mürâcaat ve muktezâsını ifâde eyleyesiz deyu buyuruldu.
Fî 7 Ra. sene [12]34.
Kuyûd-ı lâzımesi ve meal-i arzuhâle nazaran iktizâsı Başmuhâsebe'den
Berây-ı tertîb ve tahsîs şüde în kadar mâl-ı mukāta‘a ve cizye-i mezkûrîn berây-ı maâşât-ı müte‘allikāt-ı maktûl Tekelioğlu İbrahim nâm şakī ki pîş-ez-în mevkūfât bâ-irâde-i aliyye be-cânib-i Selanik nakl ve iskân şüde ve bâ-irâde-i şâhâne în-kadar-meblağ be-mûmâ-ileyhim maâş ta‘yîn şüde ve ber-în-vech tanzîm şüde be-kalem-i muhâsebe-i evvel ilmuhaber dâde fermûde el-vâki‘ der-sene 1230 ber-mûceb-i kāim-i hazret-i vezîr-i mükerrem Mehmed Vâhid Paşa mîr-i mîrân-ı livâ-i Teke ve Hamid ve derkenâr ve takrîr ve bâ-hatt-ı hümâyûn-ı şevket-makrûn ve bâ-telhîs ve fermân-ı âli fî 18 Ra. sene 1230 ve bâ-fermân-ı şerîf ilmuhaber dâde fî 17 Za. sene [1]230
Merkūmûndan Teke'ye iâdeleri kat‘iyyen câiz olmayıp Selanik'de iskân oluna gelen
Hacı Mehmed'in kebîr oğlu Cafer Nefer 1 |
Hacı Mehmed'in kebîr oğlu Yusuf Nefer 1 |
Hacı Mehmed'in kebîr oğlu Ebubekir Nefer 1 |
Hacı Mehmed'in sagīr oğlu Ahmed Said Nefer 1 |
Hacı Mehmed oğlu sabî Abdullah Nefer 1 |
Hacı Mehmed'in oğlu sabî Halil Nefer 1 |
Hacı Mehmed oğlu sabî Himmet Nefer 1 |
Hacı Mehmed'in sabî [oğlu] İsmail Nefer 1 |
Hacı Mehmed'in oğlu Ebubekir Nefer 1 |
Yine merkūmun sagīr oğlu Osman Nefer 1 |
Yine merkūmun sagīr oğlu Ömer Nefer 1 |
Yine merkūmun sagīr oğlu Ali Nefer 1 |
Maktûl İbrahim'in sagīr oğlu Hasan Nefer 1 |
Yine sagīr oğlu Abdülfettah Nefer 1 |
Hacı Mehmed'in oğlu sabî Hurşid Nefer 1 |
Yekûn
Neferen 16
Merkūmûndan zevce ve evlâdı ve vâlideleri Selanik'de ikāmet etmek[de olup] kendileri dahi bâ-takrîr şimdilik ol tarafda olmaları îcâb edenler
Hacı Mehmed'in kerîmesi ve Mısırlızâde Mehmed Bey'in menkûhası Zeliha Nefer 1 |
Hacı Mehmed'in oğlu Ömer'in menkûhası müteveffâ paşa kerîmesi Nefise Hânım Nefer 1 |
Maktûl İbrahim'in oğlu Abdülfettah vâlidesi Hadice Hânım Nefer 1 |
Maktûl İbrahim'in oğlu Hurşid'in vâlidesi Hafize Nefer 1 |
Maktûl Mısırlı kerîmesi Hacı menkûhası Zeliha Nefer 1 |
Maktûl İbrahim'in mûmâ-ileyhâ Hafize'den mütevellide kerîmesi sagīre Fatma Nefer 1 |
Maktûl İbrahim'in oğlu Abdülfettah'ın hemşîresi ve merkūm Hadice'nin sagīr kerîmesi Azime Nefer 1 |
Maktûl İbrahim'in karındaşı Ömer'in vâlideleri Fatma Nefer 1 |
Hacı Mehmed'in oğlu sagīr Abdullah'ın vâlidesi Zeyneb Nefer 1 |
Hacı Mehmed'in oğlu sagīr Halil'in vâlidesi Avakasi Kadın Nefer [1] |
Hacı Mehmed'in oğlu Himmet'in vâlidesi Ümmügülsüm Nefer 1 |
Hacı Mehmed'in kerîme ve sagīresi ve Abdullah'ın hemşîresi Nimet Nefer 1 |
Yekûn
Neferen 12
Merkūmûndan Teke'ye iâdeleri câiz olup yetîm olmaları takrîbiyle gelseler kimseleri olmadığından tevkīfi iktizâ edenlerden
Hacı Mehmed'in kerîmesi sagīre ve yetîme Atike Nefer 1 |
Hacı Mehmed'in kerîmesi yetime Esma Nefer 1 |
Yekûn
Neferen 2
Cem‘‘an yekûn
Neferen 30
Berây-ı tertîb ve tahsîs şüde an-mâl-ı mukāta‘a-i mezbûrîn berây-ı maâş-ı müte‘allikāt-ı merkūme
Guruş
03000 Cizye-i Selanik sene 1231
10000 Mukāta‘a-i bedel-i muâfiyet-i evlâd-ı fâtihân sene 1231
02576,5 Mukāta‘a-i âdet-i ağnâm-ı Selanik sene-i minhû
0353,5 Mukāta‘a-i Kubaç-ı Siroz sene-i minhû
15930
Tekelioğlu maktûl İbrahim nâm şakīnin akrabâ ve ta‘allukātından kırk sekiz neferi Selanik'e nakl ve iskân kılınmak bâbında haklarında irâde-i aliyyem ta‘alluk etmekden nâşî merkūmûndan on sekiz nefer kendilerini idâreye muktedirdir.
Selamlar Ahmet Bey,
İnanılmaz bir arşiv ve bilgi hazinesi hazırlamışsınız. Pusulasız kaybolmamak adeta imkansız. Bunun için tarihi seven biri olarak öncelikle teşekkür ederim.
Halaçoğlu bu meseleyi iyi araştırmamış. Nizam-ı Cedid hareketine karşı bilhassa Rumeli ve Konya'daki muhalefetten ve Kadı Abdurrahman'ın zalimliğinden haberi yok mu? Yeniçerilerin yerine getirilmek istenen Nizam-ı Cedid askerinin...